Неймар Бразилия терма жамоаси қароргоҳига ташриф буюрди
ПСЖ форварди Неймар Перуга қарши ўйинга тайёргарлик кўраётган Бразилия терма жамоаси қароргоҳига ташриф буюрди. Бу ҳақда мамлакат футбол федерацияси расмий сайти хабар тарқатмоқда.
Эслатиб ўтиш лозимки, Неймар Америка кубогидан аввал Қатарга қарши ўтказилган ўртоқлик учрашувида жиддий жароҳат олган ва шу боис мусобақани ўтказиб юбориши ойдинлашган эди. Шундай бўлсада, Неймар майдон ташқарисида бўлса ҳам терма жамоасини қўллаб-қувватлашга қарор қилди.
Маълумот учун, Бразилия терма жамоаси гуруҳ босқичининг дастлабки 2 та турида 1та ғалаба ва 1та дуранг қайд этди. Улар сўнгги учрашувни 22 июнь куни Перуга қарши ўтказишади. Ўйин Тошкент вақти билан соат 00:00да бошланади.
Фикрлар