Неймар Бразилия терма жамоасига қайтиши мумкин

Бразилия миллий терма жамоаси бош мураббийи Карло Анчелотти март ойида бўлиб ўтадиган назорат учрашувлари олдидан 34 ёшли ҳужумчи Неймарни кенгайтирилган таркибга киритди. Бу ҳақда UOL нашри хабар берди.

Манбага кўра, айни пайтда кенгайтирилган рўйхатдан 50 нафардан ортиқ футболчи жой олган. Якуний таркибга кимлар киритилиши ҳозирча аниқ эмас.

Шунингдек, Анчелотти Неймар ҳаракат қиладиган "Сантос" клубининг яқин ўйинларидан бирига шахсан ташриф буюриб, у билан суҳбатлашишни режалаштирмоқда.

Маълумот учун, "пентакампеонлар" март ойида Франсия ва Хорватияга қарши ўртоқлик учрашувлари ўтказади.