Неймар "калла қўйди"

ПСЖ ҳужумчиси Неймар клуб спорт директори Луиш Кампуш билан уришиб қолди.

Луиш Кампуш жорий мавсум олдидан клубга келганди. Унинг ишлаб чиққан трансфер сиёсати аксарият футболчиларга маъқул келмаяпти.

L’Equipe нашрининг маълум қилишича, Луиш Кампуш олиб келган футболчиларнинг бирортаси ўзини кўрсата олмаган.

Маълумки, Луиш Кампуш келганидан кейин ПСЖга Норди Мукиэле, Витинья, Фабиан Руис, Карлос Солер, Ренату Саншеш ва Уго Экитике трансфер қилинган эди. Бу ўйинчилардан ҳеч бири ҳали ўзини кўрсата олгани йўқ.

Кейинги пайтда Неймарнинг ПСЖдаги келажаги мавҳум экани, клуб уни сотиб юбормоқчилиги ва асосий харидор сифатида “Челси” номи тилга олинаётгани ҳақида хабарлар чиқмоқда.

Фикрлар

Фикр қолдириш учун авторизациядан ўтинг!