Неймар кутилмаган қарор қабул қилди

2026 йилги жаҳон чемпионатида Бразилия терма жамоасига етакчилик қилиши кутилаётган Неймар Европага қайтиш имкониятига эга бўлганди.

“Ал-Ҳилол”даги муваффақиятсиз фаолиятидан кейин шу йил бошида юртига қайтиб, “Сантос” таркибига қўшилган 33 ёшли ҳужумчига “Марсель” оғиз солган эди.

Франция вице-чемпиони янги мавсумда Чемпионлар лигасида иштирок этишга тайёргарлик кўрмоқда ва ёзда таркибини сезиларли даражада кучайтиришга алоҳида эътибор қаратмоқда.

Таниқли инсайдер Саша Тавольери Неймар ва “Марсель” муносабатларига ойдинлик киритди.

- Неймарнинг “Марсель”га келишини инкор этамиз. Бу маълумот ҳақиқатга тўғри келмайди, - деб ёзди Саша Тавольери ижтимоий тармоқдаги саҳифаларида.

Неймар “Сантос”га қайтганидан бери жами 16 та учрашувда иштирок этиб, ўз ҳисобига тўртта гол ва битта ассист расмийлаштириб қўйди.