Неймар Мбаппенинг кучли томонлари ҳақида гапирди

ПСЖ ҳужумчиси Неймар франциялик жамоадоши Килиан Мбаппе ҳақида илиқ фикрлар билдириб ўтди.

“Мен машғулотларда унинг тезлиги ва тўп билан ақлбовар қилмайдиган ҳаракатларни амалга оширишини кузатаман. Мбаппе улкан қобилиятга эга ва бу кундан-кунга ривожланмоқда. У бизнинг "олтин бола".

Албатта, фақат тезликнинг ўзи катта фойда келтирмайди, шунинг учун уни Мбаппе каби тўғри ишлатиш керак. Килиан нафақат тезкор, балки ажойиб дриблингга ҳам эга”, - деди Неймар Goal нашрига берган интервьюсида.

Мбаппе ПСЖ сафида 2017 йилдан буён тўп суриб келмоқда. У жорий мавсум Франция чемпионатида жами 27 та ўйинда майдонга тушди ва ўз ҳисобига 21 та гол ҳамда 7 та голли узатма ёздириб қўйишга эришди.