Неймар ўтиши мумкин бўлган клуб номи маълум бўлди

“Ал-Ҳилол”даги муваффақиятсиз фаолиятидан кейин 2025 йилнинг бошида юртига қайтиб кетган ва қадрдон жамоаси “Сантос”дан паноҳ топган Неймар яна жамоасини ўзгартирадиган бўлди.

33 ёшли машҳур ҳужумчи ёзда сенсацион трансферга умид қилганди. Бироқ Неймар катта клублар эътиборидан четда қолмоқда.

Тажрибали футболчи 2026 йилги жаҳон чемпионатида иштирок этиш учун клудаги ишларини йўлга қўйиб олиши шарт. Карло Анчелотти Неймар спорт формасини тиклаб, клуб миқёсидаги учрашувларда ўзини кўрсатмагунича, уни Бразилия терма жамоасига чақирмаслиги очиқ айтди.

Diario Sport нашрининг ёзишича, Неймарнинг Европага қайтиш орзуси пучга чиққан. Бироқ унинг олидида янги вариантлар пайдо бўла бошлади.

Айни пайтда “Сантос” Неймар билан ҳамкорликни узайтиришга ҳаракат қиляпти. Бу томондан Лионель Мессини яна икки ярим йил жамоада қолишган кўндирган “ИНтер Майами” энди Неймарни ҳам олиб келмоқчи.

Неймар “Сантос”га ўтганидан кейин ҳам бир неча бор жароҳат олиб, сафдан чиқди. Бир йил давомида ҳужумчи 21 та учрашувда қатнашиб, ўз ҳисобига олтита гол ва учта ассист ёздириб қўйди. Бунақа кўрсаткич билан юлдузларга тўлиб-тошган Бразилия терма жамоасидан жой олиб бўлмаслигини Неймарнинг ўзи ҳам яхши англаб турибди.