Неймар ПСЖдан кетмоқчи эмас

ПСЖ клуби форварди Неймар яқин орада парижликлар сафидан кетмаслигини маълум қилди. Бу ҳақда France Football хабар тарқатмоқда.

“Нега кетишим керак? Мени яна 2 йил шартномам бор, жамоа ривожланмоқда. Мавсум давомида кўпроқ мусобақаларда ғолиб чиқишимиз учун бор кучимизни беришимиз керак. Мақсадимиз – Чемпионлар лигаси.

ПСЖ мен учун биринчи ўринда ва мен ҳар ҳафта бор кучимни бераман”, - дейди бразилиялик футболчи.

Эслатиб ўтамиз, ПСЖ Чемпионлар лигасининг 1/8 финалида “Боруссия” Дортмундга қарши ўйнайди.