Неймар сиёсатга аралашиб қолди

Бразилия терма жамоасининг собиқ футболчиси Жуниньо Пернабукано ҳозирги жамоа етакчиси Неймарни қаттиқ танқид қилди.

Неймар президентликка номзодини қўйган ҳозирги ҳукумат раҳбари Жаир Болсонаруни қўллаб-қувватлагани жарима зарбалари билан машҳур бўлган Пернамбуканога ёқмаяпти.

Президентлик сайловида Неймар очиқдан очиқ қўллаб-қувватлаган Болсонару рақобатчиси Луис Инасиу Лула да Силвага ютқазиб қўйди.

- Неймарга ўхшаб фашист сиёсатчиларни қўллаб-қувватлайдиган ўйинчиларни кўрсам кўнглим  озади. Биз қуйидан чиққан оддий халқмиз. Қандай қилиб, қарши томонда бўлишимиз мумкин?, - деди Жуниньо Пернамбукано.

Аввалроқ, Луис Инасиу Лула да Силва Неймар унинг президент бўлишидан қўрқишини, чунки бу сиёсатчи Болсонару бразилиялик юлдузнинг солиқ қарзларини кечиб юборганини билишини айтганди.