Неймар яна жароҳат олди
Ads

ПСЖ клуби ва Бразилия терма жамоаси форварди Неймар машғулотлар пайтида жароҳат олди. Бу ҳақда Globo Esporte нашри хабар тарқатмоқда.

Юқоридаги манбаага кўра 27 ёшли футболчи тиззасидан жароҳат олган ва шу боис машғулотларни давом эттира олмаган. Ҳозирча унинг жароҳати қай даражада экани ва қачон сафга қайтиши борасида маълумотлар йўқ.

Эслатиб ўтамиз, 14 июндан Бразилияда навбатдаги Америка кубоги мусобақаси старт олади. Мезбонлар эса  Боливия, Перу ва Венесуэла терма жамоалари билан бир гуруҳда кураш олиб боришади.