Неймар ёлғонга нишон

“Манчестер Сити” бош мураббийи Хосеп Гвардиола унинг жамоаси Неймарни олиши ҳақида нуфузли нашр нотўғри ахборот берганини маълум қилди.

- Афсуски, Le Parisien нашри тарқатган хабар ёлғон. Мен уларга ачинаман, чунки улар берган маълумотлар ҳақиқатга тўғри келмайди. “Манчестер Сити” ҳар йили 150 та ўйинчи оладигандек таассурот уйғотишяпти. Ҳудди бизга бутун дунёдаги ўйинчилар керакдек, хабар ёзишади. Буларнинг бари ёлғон эканини биласизлар.

Неймар зўр ўйинчи, мендаги маълумотларга қараганда, у ажойиб йигит. Шунинг учун ҳам уни тинч қўйинглар.

Неймар Париж клубида Лионель Месси ва бошқа юлдузлар билан бирга истеъдодининг янги қирраларини намойиш этишига қўйиб беринглар, - деди Хосеп Гвардиола.