Неймар юбилей ўйинида яхши натижа қайд этди

ПСЖ ҳужумчиси Неймар Франция чемионати 21-туридан ўрин олган "Монпелье"га қарши ўйинни асосий таркибда бошлади ва тўлиқ ҳаракат қилди. Шунингдек, 60-дақиқада жамоасининг икккинчи голини киритди.

Ушбу баҳс бразилиялик футболчи учун парижликлар либосидаги юбилей учрашув сифатида тарихга кирди. 2017 йилда клубга келган Неймар 100 та ўйинда иштирок этишга улгурди. Булардан 61 таси Лига-1, 25 та Чемпионлар Лигаси, 6 тадан Франция кубоги ва Лига кубоги ҳамда 2 марта Франция суперкубогига тўғри келади.

Ушбу давр оралиғида у 81 та гол уриб, 46 та ассистни ўз ҳисобида ёздириб қўйишга муваффақ бўлган.

Матнда хатолик топсангиз, ўша хатони белгилаб, бизга жўнатинг (Ctrl + Enter)