Неймарни ким олади?

ПСЖ ҳужумчиси Неймар ёзда жамоани тарк этиши кутилмоқда. Football Insider нашрининг маълум қилишича, воситачилар 31 ёшли тўпурар хизматини “Ливерпуль”га таклиф қилган.

Унга кўра, “Ливерпуль”дан келаётган ёзда футболчининг трансфер учун 80-90 миллион евро тўлашни сўрашган.

Воситачилар худди шу таклиф билан “Манчестер Сити”, “Манчестер Юнайтед” ва “Ньюкасл”га ҳам мурожаат қилишган. Шунга қарамай, трансфер мутахассислар Англия клублари Неймарнинг талаблари юқори эканидан келиб чиқиб, уни харид қилишга шошилмайди.

Неймарнинг ПСЖ билан келишуви 2025 йилнинг ярмигача тузилган. Бразилиялик юлдуз ҳар мавсум учун 50 миллион евро атрофида маош олмоқда.