Неймарни суперклубга чақиришяпти

ПСЖ ҳужумчиси Неймар жаҳон чемпионати олдидан клубини янгилашни истамаётган бўлса-да, атрофида юзага келган вазият унинг қарорини ўзгартириши мумкин.

Маълумотларга қараганда, бразилиялик юлдузда фаолиятини “Манчестер Сити”дан давом эттириш варианти пайдо бўлди.

Caught Offside нашрининг хабарига кўра, “Сити” мутасаддилари бразилиялик ҳужумчи трансфери бўйича ПСЖ вакиллари билан учрашув ўтказган.

“Шаҳарликлар”ни муваффақиятли бошқариб келаётган Хосеп Гвардиола Неймарга ўз жамоасидан жой беришга тайёр экани айтилмоқда.