Нидерландия терма жамоаси мухлислари учун нохуш хабар бор

Нидерландия терма жамоаси ҳимоячиси Маттейс де Лигт жума кунги машғулотларни қин соҳасидаги муаммолар туфайли муддатидан олдин якунлади. Бу ҳақда Football Italia нашри хабар бермоқда.

Де Лигт энди тиббий кўрикдан ўтказилади. Европа чемпионати арафасида Маттейснинг жароҳат олиши Нидерландия терма жамоаси учун жиддий зарба бўлиши мумкин. Боиси жамоанинг яна бир ишонган ҳимоячиси Виржил ван Дейк ҳам жароҳат сабаб қитъа чемпионатида иштирок эта олмайди.

Нидерландия терма жамоаси “Евро-2020”даги биринчи ўйинини 13 июнь куни ўтказади. Франк де Бур бошчилигидаги жамоанинг рақиби Украина терма жамоаси бўлади.

Қуйида Нидерландия терма жамоасининг "Евро-2020"да иштирок этадиган таркиби билан танишиб олишингиз мумкин:

Дарвозабонлар: Яспер Силлессен («Валенсия»), Тим Крул («Норвич»), Мартен Стекеленбург («Аякс»).

Ҳимоячилар: Патрик ван Анхольт («Кристал Пэлас»), Натан Аке («Манчестер Сити»), Дэйли Блинд («Аякс»), Юррьен Тимбер («Аякс»), Дензел Дамфрис (ПСВ), Маттейс де Лигт («Ювентус»), Жоэль Велтман («Брайтон»), Стефан де Врей («Интер»), Оуэн Вейндал (АЗ).

Ярим ҳимоячилар: Донни ван де Бек («Манчестер Юнайтед»), Райан Гравенберх («Аякс»), Дэйви Классен («Аякс»), Френки де Йонг («Барселона»), Тён Копмейнерс (АЗ), Мартен де Рон («Аталанта»), Жоржиньо Вейналдум («Ливерпуль»).

Ҳужумчилар: Стевен Бергейс («Фейеноорд»), Мемфис Депай («Лион»), Коди Гакпо (ПСВ), Доньелл Мален (ПСВ), Люк де Йонг («Севилья»), Куинси Промес («Спартак»), Ваут Вегхорст («Вольфсбург»).