Никимбаев: Ҳозирги ЎзПФЛ раҳбарлари саккиз йилдан буён на ўзларини, на ФИФА қоидаларини ҳурмат қилишни ўрганмаган

Таниқли футбол мутахассиси Алишер Никимбаев ўзининг телеграм саҳифасида "Нефтчи"га қўйилган трансфер тақиқи ҳамда ЎзПФЛ регламентида номутаносибликлар борасида ўзининг фикрларини билдириб ўтди. 

"Ўқувчилар" "Нефтчи"ни нима кутаётгани ҳақида сўрашади. Трансфер тақиқи жорий этилгунга қадар рўйхатдан ўтган футболчилар жамоада ўйнай оладими?

- Қонун биз билганимиз каби ортга қайтиш кучига эга эмас. Демак, ФИФА 27 январь куни трансферларга тақиқ қўйган бўлса, ўша кунгача рўйхатдан ўтган барча футболчилар Ўзбекистон чемпионатида ўйнаши мумкин. Агар футболчилар шартнома имзолаган, аммо рўйхатдан ўтмаган бўлса, "Нефтчи" сафида чемпионатда ҳаракат қила олмайди. Клуб бу футболчиларни қўйиб юбориши, ёки машғулотларда қатнашгани учун маош тўлашда давом этиши лозим. 

- Бироқ қизиқ томони шундаки, ФИФА томонидан қўйилган тақиқдан ташқари, декабрь ойи охирида "Нефтчи"га ЎФА томонидан трансфер тақиқи қўйилган. Яъни 10 декабрь куни қишки трансфер даврининг катта қисмида "Нефтчи" футболчиларни рўйхатдан ўтказиш ҳуқуқига эга бўлмаган. 

- Шундай бўлса-да, келинг, "Нефтчи" ЎФА томонидан қўйилган тақиқга қадар нима қилганини кўрамиз. 9 декабрь куни ПФЛ телеграм каналида "Нефтчи" бира йўла 6 нафар футболчи, Аброр Исмоилов, Владимир Йовович, Зоран Марушич, Тома Табатадзе, Йован Жокич ва Муҳаммадали Ғиёсовни рўйхатдан ўтказгани ҳақида ёзганди. Бундан ташқари, Табатадзедан бошқа ҳамманинг трансферлари ҳақидаги хабарга "лимитдан ташқари" деган ёзув ҳам қўшилган. Гап қишки трансфер ойнасида 10 нафар янги футболчини қўшиб олиш мумкин бўлган қайднома лимити ҳақида бормоқда.

- Мен 2025 йилги Суперлига ва Про лига мусобақалари учун регламентни очдим ва лимитни қандай четлаб ўтиш мумкинлигини тушунтирувчи ҳеч нарса топа олмадим. Аниқрои, қоидалардан айрим истиснолар топдим. 2003 йил ва ундан кейин туғилган ёш футболчилар учун. Тушунишимча, 5 нафар янги келганларнинг ҳеч бири бу тоифага кирмайди. 

- ПФЛда чиққан материаллардан маълум бўлишича, агар трансфер даври бошлангунга қадар футболчиларни рўйхатдан ўтказсангиз, лимитни четлаб ўтиш мумкин. Яъни, ПФЛ ўз регламенти рухсат бермайдиган ишларни қилмоқда. Бу сизни ажаблантирадими? Мени эса йўқ. 

- Келинг, яна савол бериб кўрайлик: трансфер ойнасидан ташқари ҳам футболчиларни рўйхатдан ўтказиш мумкинми?

- ФИФАнинг ўйинчилар мақоми ва трансфери тўғрисидаги регламентининг 6-моддасида ҳаммаси жуда оддий: 

- Футболчи фақатгина тегишли Ассоциация томонидан белгиланган икки йиллик трансфер давридан бирида рўйхатга олиниши мумкин. 

- Албатта, ҳар бир давлатда футболчиларни рўйхатдан ўтказиш футболчиларнинг мақоми ва трансферлари бўйича маҳаллий норматив ҳужжатлар асосида амалга оширилади. Бироқ ФИФА Регламентининг 6-моддаси маҳаллий қоидаларда ўзгартиришларсиз қўлланиши керак бўлган моддалардан биридир.

- Албатта, ФИФА қоидаларида ҳам айрим истиснолар мавжуд: 

1. Клуб томонидан қоидабузарлик туфайли шартномаси бекор қилинган футболчилар. 

2. Трансфер даври тугагунига қадар эркин агент мақомини олган футболчилар трансфер даври тугагандан сўнг (лекин бошланишидан олдин эмас) рўйхатга олиниши мумкин. 

3. Оналик, фарзанд асраб олиш ва ота-оналик таътилида бўлган футболчини вақтинча алмаштириш учун аёл футболчилар трансфер муддатидан ташқари рўйхатга олиниши мумкин. 

4. Оналик, фарзанд асраб олиш ҳуқуқидан фойдаланиб, таътилдан қайтган аёл футболчилар трансфер муддатидан аввал рўйхатга олиниши мумкин. 

- Кўриб турганингиздек, "Нефтчи" эълон қилган футболчиларнинг ҳеч бири бу истисноларнинг бирортасига тўғри келмайди. 

- Яъни, ПФЛ футболчиларни трансфер даври бошлангунга қадар рўйхатдан ўтказиб, ФИФА регламентини бузмоқда. Бу сизни ажаблантирадими? Мени эса йўқ. 

- Дарвоқе, балки шу сабабдан ПФЛ ФИФАдан бу каби аҳмоқона шартларини яшириш учун ўз низомида футболчиларни трансфер даври очилгунча рўйхатдан ўтказишга рухсат бериш ҳақида ёзмаяптимикан? 

- Кеча бир пайтлари ФИФАнинг юридик бўлимида ишлаган ҳамкасбимга хат ёзиб, вазиятни тушунтириб беришни сўрадим. У жуда ҳайрон бўлганини айтиш ҳеч нарса демасликдир. Бироқ мен ҳайрон эмасман. 

- Ҳозирги ПФЛ раҳбарлари саккиз йилдан буён на ўзлари, на ФИФА қоидаларини ҳурмат қилишни ўрганмаган. Қолаверса, регламентни ёзаётганларнинг мантиғи ҳам шубҳали. Масалан, 2025 йил Регламентида қуйидагилар айтилган: 

- Хорижлик мутахассислар ва футболчилар билан шартнома имзолаш учун клуб 2025-26 йилги мавсум учун ОФК лицензиясига эга бўлиши талаб этилади. 

- ЎзПФЛ эса 2025-26 йилги мавсум учун лицензияни апрель ойида беришини инобатга олсак, шу пайтгача Ўзбекистоннинг бирорта ҳам клуби хорижлик футболчилар билан шартнома имзолаш ҳуқуқига эга эмас экан. 

- Биласизми, мени нима ажаблантиради? Клублар ҳаваскорлар томонидан бошқарилишига жимгина қараб туришлари.

- Журналистларнинг жим туриши мени ажаблантирмайди. Аксар инсонлар нима бўлаётганини тушунмайди ҳам. Тушунадиган кам сонлилари эса муаммолар ҳақида гапиришдан қўрқишади.