Нико О'Райли АПЛда мавсумнинг энг яхши ёш футболчиси деб топилди

"Манчестер Сити" қанот ҳимоячиси Нико О'Райли Англия Премьер-лигасида мавсумнинг энг яхши ёш футболчиси деб топилди. Бу ҳақда АПЛ матбуот хизмати хабар берди.

"Ҳужумда ёрдам бериш, ҳимояда ишончли бўлиш. Нико О'Райли буларнинг барчасини қила олади", - дейилади АПЛ хабарида.

21 ёшли футболчи АПЛда 34 та ўйинда иштирок этиб, 5 та гол урди ва 3 та голли узатмани амалга оширди.

О'Райлининг "Манчестер Сити" билан амалдаги меҳнат шартномаси 2030 йилнинг ёзигача мўлжалланган. Transfermarkt порталида тақдим этилган маълумотларга кўра, футболчининг бозор қиймати 50 миллион еврони ташкил этади.