Нодирбек Абдусатторов франциялик гроссмейстерни мағлуб этди

Франциянинг Париж шаҳрида ўтаётган "Freestyle Chess Grand Slam Paris" турнирининг 1–4, 5–8 ҳамда 9–10-ўринлари учун баҳсларнинг дастлабки кун беллашувлари якунланди.

Кеча бўлиб ўтган ярим финал доирасидаги Магнус Карлсен – Фабиано Каруана ҳамда Винсент Кеймер – Хикару Накамура жуфтликлари ўртасидаги илк баҳслар дуранг натижа билан якунланди.

5–8-ўринлар учун курашаётган ҳамюртимиз Нодирбек Абдусатторов Максим Ваше-Лаграв устидан ишончли ғалабага эришди. Яна бир жуфтликда эса Ян Непомняший Аржун Эригаисини мағлуб этди. Энди юртдошимиз россиялик Ян Непомняшийга билан баҳслашади.

9–10-ўринлар учун ўтказилган Рамишбабу Праггнанадха – Ричард Раппорт учрашуви дуранг билан якунланди.

Бугун, 12 апрель куни, турнирнинг навбатдаги — иккинчи кун баҳслари бўлиб ўтади.

Мусобақанинг ҳал қилувчи финал беллашувлари 14 апрель куни ташкил этилади.