Нодирбек Абдусатторов рейтинг етакчилигини давом эттирмоқда (кун натижалари)

Хабар бериб ўтганимиздек, Озарбайжон пойтахти Боку шаҳрида шахмат бўйича Вугар Гашимов халқаро турнири бўлиб ўтмоқда. 

Бугун, 22 декабрь куни блиц йўналиши старт олди ва 9 турда баҳслар бўлиб ўтди.

Кун давомида ҳамюртимиз Франсиско Понс (Испания), Айдин Сулейманли (Озарбайжон), Абдулла Гадимбайли (Озарбайжон), Ҳао Ванг (Хитой), Рауф Мамедов (Озарбайжон) ва Гукеш (Ҳиндистон) устидан ғалаба қозонган бўлса, Шаҳрияр Мамедяров (Озарбайжон), Сам Шанкланд (АҚШ), Ричард Раппортга (Руминия) имкониятни бой берди. 

Умумий турнир жадвалида эса ҳамюртимиз 20 очко билан ҳамон етакчилик қилмоқда. 

Эртага 10-18 тур ўйинлари бўлиб ўтади ва мусобақанинг мутлақ ғолиби номи аниқ бўлади.