Нодирбек Абдусатторов супертурнирда шахматчи аёлга ютқазиб қўйишига бир баҳя қолди

Буюк Британиянинг Лондон шаҳри шахмат бўйича “WR Chess Masters Cup‑2024” супертурнири бўлиб ўтмоқда.

Мусобақа қоидасига кўра, беллашувлар плей-офф тизимида ўтказилади ва ютқазган шахматчи турнирни тарк этади. Баҳслар асосан икки партиядан иборат ва кучлар тенг келган тақдирда учинчи учрашув ўтказилади.

Ушбу нуфузли мусобақада 16 нафар шахматчи иштирок этмоқда. Иштирокчилар орасида 15-жаҳон чемпиони ҳиндистонлик Вишванатан Ананд ва ФИДЕ йўналиши бўйича жаҳон чемпиони болгариялик Велесин Топалов ҳам дона сурди.

Супертурнирда юртимиз шарафини гроссмейстерлар Нодирбек Абдусатторов ва Жавоҳир Синдаров ҳимоя қилаётган эди.

Биринчи турдан ўрин олган саккизта қарама-қаршиликнинг фақат иккитаси учта учрашувдан иборат бўлди. Ҳар иккиси ўзбекистонлик шахмат усталари дона сурди.

Гроссмейстер Нодирбек Абдусатторов Швейцария шарафини ҳимоя қилаётган асли россиялик бўлган аёл шахматчи Александра Костенюк билан беллашди. Биринчи партияда ҳамюртимиз кутилмаганда ютқазиб қўйди.

Бироқ кейинги партияда Нодирбек Костенюкни мот қилиб, вазиятни ўнглади. Учинчи партида дуранг қайд этилган бўлса-да, Абдусатторов қўшимча кўрсаткичларга кўра, чорак финалга йўл олди.

Жавоҳир Синдаров франциялик Максим Вишье-Лаграв билан рақобатлашди. Тажрибали рақибга қарши ўтказилган учрашувнинг дастлабки икки партиясида дуранг қайд этилиб, кучлар тенг келди. Ҳал қилувчи баҳсда омад рақиб томонида бўлди.

Энди Нодирбек Абдусатторовда Жавоҳир Синдаров учун реванш олиш имконияти бор. У ярим финал йўлланмаси учун бўладиган баҳсда айнан Максим Вишье Лаграв билан рақобатлашади.

Мусобақа ғолиб ва совриндорлари 18 октябрь куни аниқланади.