Нолито “Севилья” футболчисига айланди

 

Англиянинг “Манчестер Сити” клуби ярим ҳимоячиси Нолито фаолиятини Испанияда давом эттирадиган бўлди. Хавбекни “Севилья” ўз сафига қўшиб олди. Бу ҳақда клуб расмий твиттери хабар бермоқда.

Манбанинг маълум қилишча, севильяликлар айни пайтда испаниялик футболчи билан шартнома имзолашмоқда.

Маълумот ўрнида, Нолито якунланган мавсум Англия чемпионатида 19 ўйинда майдонга тушган ва 4 марта рақиблари дарвозасини ишғол қилган.