Нохуш хабар! Ямал қанча вақтга сафдан чиққани маълум бўлди

Ламин Ямал катта эҳтимол билан "Атлетико"га қарши ўйинни ўтказиб юборади. 

15 декабрь куни "Барселона" Ла Лига доирасида "Леганес"га имкониятни бой берди (0:1). 

Каталония клуби вингери бу ўйинда жароҳат олди. У биринчи бўлим тугаши биланоқ алмаштиришга ишора қилди, бироқ 75-дақиқагача майдонда ҳаракат қилди. 

Журналист Хосе Альвареснинг ёзишича, испаниялик футболчининг тўпиғи шикастланган. У тахминан 3-4 ҳафта майдонга туша олмаслиги тахмин қилинмоқда. 

Жорий мавсумда Ямал Ла Лига доирасида 16 ўйинда майдонга тушиб, 5 та гол ҳамда 9 та ассистни ўз номига ёздириб қўйганди.