Nurmagomedov komadan chiqdi

UFC chempioni Xabib Nurmagomedovning otasi va ustozi Abdulmanap Nurmagomedov komaga tushib qolgani va Moskvadagi shifoxonalarning birida hayot uchun kurashayotgani haqida xabar berib o‘tgan edik.

Rossiya matbuoti xabariga ko‘ra, katta Nurmagomedov o‘ziga kelgan, biroq uning ahvoli hamon og‘irligicha qolmoqda.

Oldinroq, shifokorlar taqiqiga qaramasdan badantarbiya bilan mashg‘ul bo‘lgan 57 yoshli murabbiyning ahvoli og‘irlashganidan so‘ng, yuragidan operatsiya qilingan edi.