Nurmagomedov nima uchun faoliyatini yakunladi?

UFC engil vazn toifasining chempioni Habib Nurmagomedov nima sababdan faoliyatini yakunlashga qaror qilgani haqida aytib o‘tdi.

"UFCdan qo‘ng‘iroq qilib, Getji bilan jang qilishim haqida aytishganida onamdan ruxsat olish uchun 3 kun gaplashdim. Sababi, onam otamsiz jang qilmasligimni istagandi. Ularga bu mening oxirgi jangim ekanligini va’da qilgandim. Bu jang otamning orzusi edi. Ota-onangiz borligida qadriga eting. Mening faqat onam qoldi va endi bor e’tiborim onamda bo‘ladi. Menga sharoitlar yaratib bergan promoushenga rahmat aytaman va shu qatorda, Getjiga ham, chunki u o‘z vaqtida vazn tashlashimda yordamini ayamagan," - dedi Nurmagomedov.