Нурмагомедов нима учун фаолиятини якунлади?

UFC енгил вазн тоифасининг чемпиони Ҳабиб Нурмагомедов нима сабабдан фаолиятини якунлашга қарор қилгани ҳақида айтиб ўтди.

"UFCдан қўнғироқ қилиб, Гэтжи билан жанг қилишим ҳақида айтишганида онамдан рухсат олиш учун 3 кун гаплашдим. Сабаби, онам отамсиз жанг қилмаслигимни истаганди. Уларга бу менинг охирги жангим эканлигини ваъда қилгандим. Бу жанг отамнинг орзуси эди. Ота-онангиз борлигида қадрига етинг. Менинг фақат онам қолди ва энди бор эътиборим онамда бўлади. Менга шароитлар яратиб берган промоушенга раҳмат айтаман ва шу қаторда, Гэтжига ҳам, чунки у ўз вақтида вазн ташлашимда ёрдамини аямаган," - деди Нурмагомедов.