Нурмагомедовнинг мураббийи: Ҳабиб ва Конор ўртасидаги реванш жанги бўлиб ўтади

UFC енгил вазн тоифасининг чемпиони Ҳабиб Нурмагомедовнинг мураббийи Хавьер Мендес ўз шогирдининг Конор Макгрегорга қарши иккинчи жанги бўлиб ўтиш эҳтимоли ҳали ҳам бор эканлигини таъкидлади.

"Агар Конор жанг қилишни истаса, Ҳабиб чемпион бўлса, нега улар куч синашмаслиги керак? Мен ҳам уларни ўзаро жанг қилмасликларига йўл қўймаган бўлардим. Бу уларнинг иши, шундай эмасми? Бу уларга кўплаб пул ишлаб топишлари учун имконият.

Албатта, ҳар ким, аввалгидек, бу кураш бўлиб ўтишини хоҳлайди. Шунинг учун ҳам, UFC бу жангни ташкил этишни истайди, деб ўйлайман," - деди Мендес.

2018 йилнинг октябрь ойида бўлиб ўтган дастлабки жангда Нурмагомедов МакГрегор устидан бўғиш услуби эвазига ғалабани қўлга киритган эди.

Матнда хатолик топсангиз, ўша хатони белгилаб, бизга жўнатинг (Ctrl + Enter)