Нурсултон Рўзибоевнинг шогирди Қирғизистонда жанг қилади

16 январь куни Қирғизистоннинг Бишкек шаҳрида катта ММА кечаси бўлиб ўтади. Янада аниқроқ қилиб айтганда "WEF 112" турнири ташкил этилади. 

Мазкур жанг кечасида таниқли ММА жангчиси Нурсултон Рўзибоевнинг шогирди Камолиддин Мамажонов ҳам октагонга кўтарилади. У мезбонлар вакили Нурлан Тўктабакиевга қарши баҳс юритади. 

Ҳамюртимиз 25 декабрь куни Самарқандда ташкил этилган "ATF Championship 6" турнирида ҳам жанг ўтказиб, муддатидан аввал ғалаба қозонган эди. 

Эслатиб ўтамиз, Камолиддин Мамажонов "Nursulton Team" клуби сафида Бекзод Жиянов ҳамда Нурсултон Рўзибоев қўл остида машғулотлар олиб боради.