Нью-Йоркдаги турнирда Абдусатторовдан ҳозирча муваффақиятсиз иштирок, Синдаров эса катта пул мукофотига эга бўлди

25 декабрдан 1 январга қадар АҚШнинг Нью-Йорк штатида шахмат спорт тури доирасида "Рапид ва блиц бўйича жаҳон чемпионати" турнири ўтказилиши режалаштирилганди. 

Айни вақтда мазкур турнирнинг бир рапид йўналишида баҳслар якунланди. 

Сўннги 11-турда Катерина Лагно билан дуранг ўйнаган Афруза Ҳамдамова 8 очко билан аёллар ўртасида 7-ўринни эгаллади ва 22.5 минг АҚШ доллари пул мукофотини қўлга киритди

Ҳамдамова рапид бўйича +218 рейтинг очколарини ҳам қўшиб олиб, ҳозирги рейтингини 2406 га етказди. Аёллар ўртасида чемпион эса ҳиндистонлик Хампи Конеру бўлди. 



Рапид бўйича эркаклар ўртасидаги баҳслар ҳам якунига етди.

Юртдошларимизнинг натижалари:

6-ўрин — Жавоҳир Синдаров 9 очко билан 28.5 минг АҚШ доллари;
27-ўрин — Нодирбек Абдусатторов 8 очко билан 4.3 минг АҚШ доллари;
48-ўрин — Жаҳонгир Ваҳидов 7.5 очко;
86-ўрин — Муҳиддин Мадаминов 7 очко;
131-ўрин — Шамсиддин Воҳидов 5.5 очко. 

Қайд этиш лозим, рапид баҳсларида 18 ёшли россиялик Володар Мурзин чемпион бўлди. 



30 декабрь куни дам шахматчилар мазкур турнир доирасида дам олишади. 31 декабрда блиц бўйича гуруҳ босқичи, 1 январь куни эса блиц плей-офф баҳслари ўтказилади.