"Nyukasl" "Bayer" himoyachisini o‘z safiga qo‘shib olmoqchi

Germaniya terma jamoasi va "Bayer" markaziy himoyachisi Jonatan Ta faoliyatini Angliya Premer-ligasida davom ettirishi mumkin. Bu haqda "The Sun" portali xabar bermoqda.

Manbaning xabariga ko‘ra, 29 yoshli futbolchiga "Nyukasl" qiziqish bildirmoqda. Ingliz klubi Jonatan bilan tekinga shartnoma imzolashi mumkin, chunki uning klub bilan shartnomasi 2025 yilning iyun oyi oxirida tugaydi.

Germaniyalik himoyachi Bundesliganing joriy mavsumida leverkuzenliklar safida 31 ta o‘yin o‘tkazib, uchta gol urdi. Uning bozor qiymati 30 million evroga baholanmoqda.