"Ньюкасл" бразилиялик футболчини нишонга олди

"Ньюкасл" жамоаси "Лион" футболчиси Лукас Пакетани ўз сафига қўшиб олмоқчи. Клуб бразилиялик футболчи учун 50 миллион фунт тўлашни мақсад қилган.

Бу жамоа тарихидаги рекорд даражадаги трансфер бўлади.

Эслатиб ўтамиз, қишда "қарғалар" француз клубидан 42 миллион фунт эвазига Бруно Гимараешни сотиб олганди. Айни пайтда, ушбу трансфер жамоа учун рекорд ҳисобланади.

24 ёшли ярим ҳимоячи жорий мавсум Франция жамоаси сафида 78 ўйинда майдонга тушиб, 21 гол урган ва 13 ассистни амалга оширган.