"Ньюкасл" "Лестер" юлдузи учун катта пул таклиф қилди

Англиянинг "Ньюкасл" жамоаси таркибни кучайтириш ишларини давом эттирмоқда. 

Жумладан, "қарғалар" "Лестер" футболчиси Жеймс Мэддисонни ўз таркибига қўшиб олишга қизиқмоқда. Улар англиялик футболчи учун 40 миллион фунт стерлинг таклиф қилди. "Тулкилар" мазкур таклифни рад этди. 

"Ньюкасл" миқдорни оширишга тайёр. Бироқ 25 ёшли хавбекни "Лестер" ўз таркибида олиб қолмоқчи ва унга узоқ муддатли шартнома таклиф қиляпти. 

Ўтган мавсумда Мэддисон АПЛ доирасида 35 учрашувда майдонга тушиб, 12 та гол ҳамда 8 та ассист муаллифига айланган.