“Ньюкасл” “Реал” футболчисига қизиқиш билдирмоқда

"Реал" ярим ҳимоячиси Марко Асенсио "Ньюкасл Юнайтед" билан музокара олиб бормоқда, деб хабар бермоқда Испания нашрлари.

Ёзги трансфер ойнаси пайтида "қора-оқлар" ўз таркибини сезиларли даражада кучайтиришни режалаштирмоқда. Инглиз клуби бир нечта шов-шувли трансферлар амалга ошириши кутилмоқда. “Defensa Central” нашри хабарига кўра, Марко Асенсио “Ньюкасл” устози Эдди Хоунинг асосий трансфер мақсадларидан бири ҳисобланади.

Футболчининг "Реал" билан шартномаси келаси йили якунига етади ва келишувни узайтириш бўйича музокаралар тўхтаб қолган. Асенсиога "Ньюкасл"дан ташқари "Арсенал", "Манчестер Юнайтед" ва "Милан" ҳам даъвогарлик қилмоқда.

Ўтган мавсумда футболчи “Реал”нинг Ла Лига доирасидаги 31 ўйинда қатнашиб, ўз ҳисобига 10 гол ёздириб қўйган.