"Ньюкасл" "Реал" ва ПСЖ билан курашиб кўради

"Ньюкасл" "Челси" ҳимоячиси Антонио Рюдигер билан шартнома имзолашни истамоқда.

29 ёшли немис футболчининг "аристократлар" билан амалдаги шартномаси шу йилнинг ёзида якунига етади. "Қарғалар" у учун курашаётган клублар билан рақобатлашиб кўради, дея хабар бермоқда "The Telegraph" нашри. 

Маълум бўлишича, Антонионинг ўзи ёзга қадар келажаги борасида қарор қабул қилмоқчи эмас. Унинг режаларида Лондон клубида қолиш варианти ҳам мавжуд. 

Маълумот учун, Рюдигер жорий мавсум АПЛ доирасида 25 та ўйинда майдонга тушиб, 2 та гол уришга муваффақ бўлган.  

Маълумки, Европанинг бир қатор гранд жамоалари, жумладан, "Реал", ПСЖ ва "Бавария" германиялик фулбекни ўз жамоасида кўришни хоҳлайди.