“Ньюкасл” сардорини отиб ташламоқчи бўлишди

“Ньюкасл” жамоаси ҳимоячиси Жамол Ласселлс номаълум шахслар томонидан ҳужумга учради. Бу ҳақда  Daily Mail нашри маълум қилди.

Манбанинг ёзишича, нохуш воқеа 19 августдан 20 августга ўтар кечаси Ньюкасл шаҳрида содир бўлган. Футболчи 19 ёшли укаси билан тунги клубда дам олган. Клубдан чиқишда номаълум шахс Жамолнинг укасини урган.

Лэселл жанжалга аралашиб, ҳужум қилган шахсни турткилиган. Воқеа жойида бўлган етти-саккиз нафар номаълум шахс, футболчига ташланиб, уни отиб ташлаш билан таҳдид қилган.

Айни пайтда иш полиция назоратига ўтган.

Лэселл  2014 йилнинг ёзидан бери “Ньюкасл”да тўп тепмоқда. 2016 йилдан буён тажрибали футболчи жамоа сардори ҳисобланади. У “Ньюкасл” сафида жами 225 та ўйинда майдонга тушган.