“Ньюкасл”га ўтганимдан шу ерда захирада ўтирганим яхши!

“Манчестер Юнайтед” плеймейкери Донни ван де Бек ижара асосида “Ньюкасл”га ўтишдан бош тортди.

Ўз даврида “Аякс”нинг етакчиларидан бўлган нидерландиялик истеъдод эгаси Манчестерга келганидан бери асосий таркибга кира олмади. Аввалига, Сульшер унга етарли ўйин амалиётини бермади.

Сульшернинг ўрнига келган Ральф Рангник ҳам Доннига захира ўйинчиси сифатида муносабатда бўлмоқда. Ҳатто германиялик мутахассис унинг кетишига қарши ва ўз имкониятини сабр билан кутишини тавсия қиляпти.

“Ньюкасл” Донн  ван де Бек билан боғланиб, унга мунтазам ўйин амалиёти берилишини кафолатлаган бўлса-да, ярим ҳимоячи “қарғалар” аутсайдерлар қаторида бораётгани учун улар сафига қўшилишни истамади.

Яқинда “Ньюкасл” яна бир нидерландиялик ярим ҳимоячи Жординьо Вейналдумни ижарага олмоқчи бўлиб, уни ҳам Ньюкаслга келишга кўндира олмаган эди.