“Ньюкасл”нинг Ҳусанов бўйича режаси аён бўлди
“Ланс”да порлаётган Абдуқодир Ҳусанов учун курашаётган жамоалар қаторида “Ньюкасл Юнайтед” ҳам бор.
Яқин ўтмишда Англия Премьер-лигасининг ўртамиёна ва ҳатто аутсайдер жамоаларидан бирига айланиб қолган”Ньюкасл” Саудия Арабистони инвестиция жамғармаси қарамоғига ўтганидан кейин юқори ўринлар ва Еврокубоклар йўлланмалари учун курашадишан клублар сафига қўшилди.
Катта мақсадларга эришиш учун клуб мунтазам равишда таркибини кучайтириб бориши талаб этилади. Ана шунинг учун ҳам жамоа бош мураббийи Эдди Хау январь ойи давомида янги ижрочиларни олиб келишга қарор қилган. “Қарғалар” мўлжалида турган асосий нишонлардан бири Абдуқодир Ҳусановдир.
Sports.uz портали нуфузли манбаларнинг “Ньюкасл”ни ўзбек футболчиси борасидаги трансфер сиёсати ҳақидаги позицияларини ўзбекистонлик футбол ишқибозлари эътиборига ҳавола этади.
Абдуқодир Ҳусановнинг жорий мавсумда “Ланс”да кўрсатаётган ўйини унинг обрўсини ошириб бормоқда. У марказий ҳимоячи сифатида кучли, тезкор ва хотиржам ўйини билан кўплаб клублар эътиборига тушди. “Ланс”нинг мавсумдаги “қуруқ” ўтказган учрашувлари асосан Ҳусановнинг меҳнатлари самарасидир. Ўзбек футболчиси ҳали ёш ва агар шу даражада ўйнашда давом этса, тез орада уни катта клубларда кўрамиз.
Бир неча клублар қаторида “Ньюкасл” ҳам уни кузатиб бормоқда. Яқинда “қарғалар” бош мураббийи Ждди Хау январь ойида ҳимоя чизиғини кучайтиршни режалаштираётганини айтиб ўтганди. Франциялик таниқли журналист Себастьян Дениснинг маълумотига кўра, “Ньюкасл” Ҳусанов номзодига “жуда, жуда қизиқяпти”.
“Ланс” ўз юлдузига 25-30 миллион евродан кам бўлмаган маблағ тўлайдиган жамоа топиш вазифасини машҳур футбол агенти Жорже Мендешга юклаган. Бу агент ўйинчини “Ньюкасл”дан ташқари “Манчестер Сити”, “Тоттенхэм”, “Лестер” каби Англия Премьер-лигаси жамоаларига жойлаш имкониятини ўрганиб чиқмоқда.
Абдуқодир Ҳусановнинг ҳимоячи сифатидаги хусусиятлари Премьер-лигага мос тушади. Бу футболчи бақувват ва тезкор, ўйинни яхши ўқий олади, стандарт вазиятларга рақиб дарвозасига хавф сола олади. 2023 йилнинг майидан бери Ўзбекистон миллий терма жамоасига жалб қилинмоқда. Ҳусанов терма жамоада 18 та учрашувда иштирок этгани унинг халқаро миқёсидаги фаолиятидан келиб чиқиб, юқори савиядаги футбол лигаларида ўйнаш олишидан далолат беради.
“Ньюкасл” ўтган ёз “Кристал Пэлас” ҳимоячиси Марк Гехининг трансферини уддалай олмаган эди. Шундан кейин жамоа бош мураббийи Эдди Хау янги ҳимоячи масаласини қишки трансферлар ойнасига қолдирди.
Ўрганишлар натижасида “Ланс”да кашфиётга айланган Абдуқодир Ҳусанов номзоди маъқулланди.
“Ньюкасл”да етакчи ҳимоячилар – Свен Ботман ва Жамол Ласселснинг оғир жароҳат олиб, мавсумни ўтказиб юбораётгани Эдди Хауни мураккаб вазиятга солиб қўйди. Шу билан бирга клубда қишки трансферлар даврида жамоа ҳимоясини кучайтириш заруратини уйғотди.
Бундан ташқари, 33 ёшли ҳимоячи Фабиан Шернинг шартномаси ёзда тугайди. Клуб швециялик футболчи билан ҳамкорликни узайтирмоқчи эмас, аксинча, унинг ўрнига ёш ва узоқ йиллар давомида ҳимоядаги муаммоларни ёпа оладиган ўйинчини таклиф этишга қарор қилган. Бу ҳимоячи айнан Абдуқодир Ҳусанов бўлиши кутилмоқда.
Дарҳақиқат, бундан буён Абдуқодир Ҳусанов трансфери учун борган сари кучайиб боради. “Ланс”нинг молиявий аҳволи етакчи ўйинчиларини, хусусан, ўзбек легионерини узоқ вақт таркибда сақлаб қолиш учун етарли эмас.
Демак, 20 ёшли ҳимоячимиз келаси мавсумни бошқа клубда, ҳатто Франциядан ташқарида давом эттириши эҳтимоли юқори.
Фикрлар