Ўзбекистон билан ўйинда Нидерландия асосий дарвозабонидан айрилди

Жаҳон чемпинати олдидан Ўзбекистон миллий терма жамоасига қарши ўртоқлик учрашувини ўтказган Нидерландия терма жамоаси катта йўқотишга дуч келди. 

Учрашувнинг иккинчи бўлими ўрталарида Рональд Кумандан мажбурий алмаштиришни амалга ошириш талаб этилди. Асосий дарвозабон Барт Вербрюгген жароҳат олиб, ўйинни давом эттира олмади. У майдонни тарк этди, унинг ўрнини эса Марк Флеккен эгаллади.

Ҳозирча Вербрюггеннинг жароҳати қай даражада жиддий экани номаълум. Яқин соатларда унинг соғлиғи бўйича қўшимча маълумот берилиши кутилмоқда.

Қизиғи шундаки, ўйин бошланишидан олдиноқ Нидерландия терма жамоаси дунё чемпионатида ҳимоячи Юрриен Тимбер майдонга туша олмаслигини маълум қилган эди.

Эслатиб ўтамиз, Нидерландия терма жамоаси жаҳон чемпионатига илк учрашувини 14 июнь куни Японияга қарши ўтказади.