Ўзбекистонлик ракетка устаси Лондонни забт этмоқда
Навбатдаги рақиб - АҚШ очиқ чемпионати ғолибаси
Ўзбекистонлик теннисчи Камилла Рахимова Лондонда ўтаётган нуфузли WTA-500 турнирининг чорак финалига йўл олди. У бу босқичда маҳаллий юлдуз Эмма Радукануга қарши майдонга тушади.
Иккинчи даврада жаҳон рейтингида 78-ўринни эгаллаб турган Рахимова Буюк Британия вакиласи Ҳэрриет Дартни уч сетлик кескин баҳсда мағлуб этди — 5:7, 6:1, 7:5.
Учрашув қарийб уч соатга яқин, аниқроғи 2 соат 51 дақиқа давом этди.
Чорак финалда Камилла Рахимова 2021 йилда АҚШ очиқ чемпионатида ғолиб чиққан британиялик Эмма Радукану билан куч синашади.
Изоҳлар (0)