Обамеянг Левандовски ҳақида: "Барселона"да энди икки буюк ҳужумчи бор

"Барселона" футболчиси Пьер-Эмерик Обамеянг жамоага янги келган Роберт Левандовски ҳақида ўз фикрлари билан ўртоқлашди. У польякнинг келиши каталон клуби учун фақат фойда келтиришини таъкидлаб ўтди. 

"У билан яхши хотираларимиз бор. Мен жуда хурсандман. "Барселона"да энди иккита буюк ҳужумчи бор. Бизнинг тажриба ва маҳоратимиз биргаликда жамоа учун анча фойда келтиради, деб ўйлайман.  

Дортмунддаги каби ажойиб даврни қайта ўтказа оламиз. Балки ундан ҳам яхшироғига кучимиз етар (кулади). 

Мен аниқ биламан, биз иккаламиз ҳам "Барселона" учун боримизни беришга тайёрмиз. Қайд этиш лозим, клуб ҳам бу ёзда жуда яхши трансферларни амалга оширди", - деди габонлик форвард.