ОЧЛ-2018: “Ал Садд”га қарши ўйин олдидан “Насаф”да жиддий йўқотиш

Бугун Қарши шаҳри Осиё чемпионлар лигасининг яна бир учрашувига мезбонлик қилади. “Марказий” стадионида “Насаф” Қатарнинг “Ал Садд” жамоасини қабул қилади.

Мазкур баҳс олдидан қаршиликлар таркибида жиддий йўқотиш мавжуд. “Аждарлар” ҳужумчиси Драган Черан бугунги ўйинни катта эҳтимол билан ўтказиб юбориши мумкин. Чунки хорижлик футболчи кеча ўйин олди расмий машғулотини якунлай олмаган. Унга эски жароҳати ҳалақиб қилган.

Эслатиб ўтамиз, “Насаф” – “Ал Садд” учрашуви бугун 18:30да старт олади.