ОЧЛ. "Ал Иттиҳод" - "Навбаҳор" ўйинида қайси рефери бош ҳакам бўлади?

Бугунги "Ал-Иттиҳод" - "Навбаҳор" ўйинини кореялик ҳакамлар бошқаради. Бу ҳақда наманганликлар матбуот хизмати хабар берди. 

Хабарингиз бор, жамоамиз бугун сафарда Саудия Арабистонининг “Ал-Иттиҳод” (Жидда) клубига қарши Осиё Чемпионлар лигаси (ОЧЛ) 1/8 финал жавоб учрашувини ўтказади.

Мазкур ўйинни жанубий кореялик ҳакамлар бригадаси бошқарадиган бўлди. Шунингдек, захира ва VAR ҳакамлари ҳам кореялик.

Бош ҳакам: Ко Хюн Жин;
Қанот ҳакамлари: Хон Яе Ёл, Парк Сангжун;
Захира ҳаками: Ким Ву Сунг;
VAR ҳаками: Ким Жонг Хёк;
АVAR: Ким Хи Гон.

Эслатиб ўтамиз, “Ал-Иттиҳод” – “Навбаҳор” баҳси бугун Жиддадаги “Қирол Абдулла” спорт мажмуасида Тошкент вақти билан соат 21:00 да старт олади. Бўлажак ўйинда жамоамизга омад ёр бўлишини тилаймиз.