Одил Абдумажидов тўлиқ ўйнаган ўйинда "Ордабаси" ютқазиб қўйди

Қозоғистон чемпионатининг навбатдаги турида ҳамюртимиз Одил Абдумажидов тўп сураётган “Ордабаси” клуби сафарда “Каспий” жамоаси билан куч синашди.

Мазкур ўйинда легионеримиз “Ордабаси” таркибида бошланғич дақиқалардан ҳаракат қилди ва учрашувни тўлиқ ўтказди.

Бироқ унинг жамоаси учун бу ўйин омадсиз кечди. Сабаби, “Ордабаси” мезбонларга 2:1 ҳисобида ютқазиб қўйди.

Эндиликда “Ордабаси” турнир жадвалида ҳозирча 8-ўринда боряпти. Абдумажидов жамоаси кейинги турни 9 апрель куни ўз уйида “Тобол”га қарши ўтказади.