Одил Аҳмедов билан ўйнаган юлдуз футболдан йиғлатадиган гапларни айтиб кетди

Бразилия футболининг ёрқин юлдузларидан бўлган ярим ҳимоячи Оскар 34 ёшида фаолиятини якунлаганини эълон қилди.

Оскар Бразилиянинг машҳур “Сан-Паулу” клуби тарбияланувчиси ҳисобланади ва профессионал фаолиятини айнан мана шу жамоада бошлаган.

Кейинчалик ўз юртида “Интернационал” клубида ҳам ўйнаганидан кейин 2012 йили 32 миллион евро эвазига Лондоннинг “Челси” жамоасига трансфер қилинган.

Англия Премьер-лигасидаги беш йиллик фаолиятидан кейин Оскар айни кучга тўлган пайтида кутилмаганда Хитойга йўл олди. “Шахай СИПГ” клуби жаҳон даражасидаги бир неча юлдузлар қаторида Оскарни ҳам таркибга қўшиб олди.

Ўша юлдузли жамоага Ўзбекистон миллий терма жамоасининг ўша пайтлардаги етакчиси Одил Аҳмедов ҳам таклиф этилган. Халк, Оскар ва Аҳмедов етакчилигидаги шанхайликлар 2018 йили Хитой чемпионлигага сазовор бўлган.

Оскар Хитой чемпионатида 2025 йилнинг январигача ўйнади ва кейин ўз юртига қайтиб, қадрдон жамоаси “Сан Паулу”га қўшилди. Моҳир ярим ҳимоячи кейинги пайтда саломатлиги бўйича муаммога дуч келди. Ноябрь ойида қон босимидаги ўзгаришлар туфайли ҳушдан кетиш ҳолатини бошдан кечирган.

Оқибатда юрак билан боғлиқ муаммолар унга майдонга қайтиш имконини бермади ва ярим ҳимоячи қийин қарор қабул қилди.

- Мен “Сан-Паулу” учун кўпроқ иш қилишни хоҳлардим, кўпроқ ўйнашни истардим. Менимча, маҳоратим ҳам, ёшим ҳам менга яна ўйнаш имконини беради, лекин афсуски, бу амалга ошмайди. Энди фаолиятимни якунлайман ва “Сан-Паулу”ни қўллаб-қувватлашда давом этаман, ҳаётимни мухлис сифатида давом эттираман, - деди Оскар.

Ниҳоят, 4 апрель куни машҳур футболчи бутсасни михга илганини эълон қилди.

Оскар профессионал фаолияти давомида жами клублар миқёсида 556 та учрашувда иштирок этиб, ўз ҳисобига 136 та гол ва 203 та ассист расмийлаштирган. Шунингдек, Бразилия терма жамоаси сафида 48 та учрашувда майдонга тушиб, рақиблар дарвозасини 12 маротаба ишғол қилган.

Ҳусановдан қочиб қутилолмайсан!

Еврокубокда ўйнайдиган клуб ўзбек футболчиси трансферини эълон қилди

Кульминацион нуқта – Ҳусанов Салоҳ ҳисобни очишга йўл қўймагани бўлди

Бунақа ўйиндан кейин экспертлар Ҳусановнинг рейтингини кўтарди!

Олмалиқда туғилган футболчи трансферини Манчестер ва Мадрид суперклублари сўради

Ҳусанов ва Ўзбекистон ғалабасига “Манестер Сити”дан қандай муносабат бўлди?

Ўзбекистон: Бу галги рақиб Аргентина ва Бразилияни қўрқитган жамоа!