Одил Аҳмедов Месси ва Роналду билан бирга ўйнаши мумкин эди...

“Анжи” жамоасининг собиқ вице-президенти Саид Абдуллаев клубга раҳбарлик қилган Сулейман Керимов даврини эсга олди.

Клуб хўжайини бўлган Керимов Ткаченко бошчилигидаги селекционерларни  трансферлар сони ва харажат миқдори бўйича ҳеч қачон чегараламаган. Агар улар раҳбарни бирор футболчи жамоа учун муҳим эканига ишонтира олса, бу трансфер молиявий сабаб билан тўхтаб қолмас эди.

Ҳеч қандай чеклов йўқ эди. “Анжи”га суперюлдузларни олиб келиш режаси бўлга. Унга кўра, агар Керимовнинг бошқарувдаги вақти Месси ва Роналду фаолиятининг гуллаган даврига тўғри келиб қолмаганида, улар ҳам “Анжи”га олиб келинарди, - деди Саид Абдуллаев.

Сулейман Керимов “Анжи”ни 2011 йилнинг январида сотиб олган. Бу жамоага Самуэль Это'О, Роберто Карлос, Жусилей, Одил Аҳмедов каби футболчилар таклиф этилган. 2012 йилнинг февралидан “Анжи”га машҳур мураббий Гус Хиддинк бошчилик қилган.

Агар “Анжи” раҳбариятининг режаси амалга ошиб, Месси ва Роналду клубга олиб келинганида Одил Аҳмедов улар билан бир таркибда тўп тепган бўларди. Ўзбекистон миллий терма жамоасининг сардори “Анжи”да 2011-2014 йиллар давомида ўйнаган ва жамоада 86 та учрашувда учта гол урган.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар