ЎФAда йиғилиш бўлиб ўтди

Aввал хабар берганимиздек, футболимиз тиббиёти самарадорлигини янги савияга олиб чиқиш, барча жамоалар, футбол академиялари тиббий ходимларининг малакасини ошириш, уларнинг фаолиятини замон талабига мос равишда мувофиқлаштириш мақсадида ЎФA қошида Тиббий қўмита ташкил этилди.

Кеча ЎФA биринчи вице-президенти Равшан Эрматов бошчилигида қўмитанинг навбатдаги йиғилиши бўлиб ўтди. Йиғилиш давомида мутахассислар фикрлари тингланди, қисқа муддат ичида амалга оширилган бир қатор ишлар ва келгуси режалар муҳокама қилинди. Бу ҳақда ЎФА матбуот хизмати хабар бўлиб ўтди.

Футболимиздаги барча тиббий ходимларнинг фаолиятида асосий йўналишларни белгилаб берувчи, илмий асосланган ҳамда замонавий спорт тиббиёти ютуқларидан самарали фойдаланган ҳолда тузиб чиқилиши режалаштирилаётган “Тиббий қўлланма” яратиш йўлидаги ҳаракатларни янада тезлаштириш зарурлиги айтилди. Шунингдек, яқин кунларда барча футбол шифокорлари иштирокида конференсия ташкил қилиш ҳамда қўмита фаолиятга тааллуқли бошқа масалалар муҳокама қилинди.