Оғир атлетика. Руслан Нуриддинов ҳам жаҳон чемпионатида ўз сўзини айтди

Ҳозиргина Саудия Арабистонида ўтаётган оғир атлетика бўйича жаҳон чемпионатининг эркаклар ўртасида -109 кг вазн тоифасида силтаб кўтариш баҳслари якунланди.

Унда ҳамюртимиз Акбар Жўраев 226 кг натижа билан кумуш медални қўлга киритган бўлса, 227 кг натижа кўрсатган Руслан Нуриддинов олтин медалга сазовор бўлди.

Икки кураш якунларига кўра Акбар Жўраев 415 кг натижа билан иккинчи олтинга эга чиқди, Руслан Нуриддинов эса 407 кг натижа билан кумуш медалга сазовор бўлди.

Қайд этиш лозимки, Акбар Жўраев айнан Руслан Нуриддиновдан сўнг икки карра жаҳон чемпиони бўлган илк оғир атлетикачи сифатида ўзбек спорти тарихига кирди.