Оғир вазнли боксчимиз Токио йўлланмасини нақд қилди

Токио Олимпиадасига йўлланма берувчи турнирда оғир вазн тоифасидаги боксчимиз Баҳодир Жалолов ҳам рингга кўтарилди. У чорак финалда Бахрайн вакили Денис Латиповга қарши жанг қилди. Ушбу вазнда 4 та йўлланма ўйналмоқда ва бу жангнинг ғолиби лицензияни қўлга киритарди.

Жангнинг биринчи ва иккинчи раунди ҳамюртимизнинг назоратида ўтди ва ўз услубида рақибига хеч қандай имконият қолдирмади. Уинчи раундда эса бироз очиқроқ жангни кузатдик. Чунки рақиб ҳам фаоллик кўрсатди. Якунда Баҳодир Жалолов кутилган ғалаба ва Токио Олимпиадасига йўлланмани қўлга киритди.