Оиланинг “очкўзлиги” ноёб истеъдоднинг суперклубга трансферини барбод қилди

Бундеслиганинг амалдаги чемпиони – Мюнхеннинг “Бавария” клуби Берлиннинг “Герта” жамоаси сафида тўп сураётган 16 ёшли ярим ҳимоячи Кеннет Айххорнни сотиб олишдан воз кечди.

Kicker маълумотига кўра, бу қарорнинг асосий сабаби ҳаддан ташқари юқори молиявий талаблар бўлган. Ўйинчи, унинг оиласи ва вакилларига тўланиши керак бўлган имзо бонуси жуда катта миқдорга етиши ва ҳатто “Герта”га тўланадиган компенсациядан ҳам ошиб кетиши мумкин эди.

Спорт директори Макс Эберл футболчи томони билан мулоқот қилганига қарамай, клуб раҳбарияти бир неча ой аввалданоқ ушбу трансферга шубҳа билан қараган. Сўнгги музокаралар эса бу позицияни янада мустаҳкамлади.

Мюнхенликлар учун асосий устувор вазифа ўз тарбияланувчиларини ривожлантириш бўлиб қолмоқда. Клуб ижарадан қайтадиган ярим ҳимоячи Ноэль Асеко-Нкилига ва мушак жароҳатидан тикланаётган Давид Сантушнинг ўсишига умид қилмоқда.

Шунга қарамай, Айххорнга қизиқиш сақланиб қолган. Унинг ҳолатини “Байер” ва “РБ Лейпциг” кузатмоқда. Transfermarkt унинг қийматини 20 миллион еврога баҳолаган.