"Olimpik" Turkiyada Moldova chempioni "Sherif"ga yutqazib qo‘ydi

Turkiyada o‘quv-mashg‘ulot yig‘inini davom ettirayotgan "Olimpik" klubi bugun Antaliyadagi “Susesi” stadionida Moldovaning “Sherif” jamoasiga qarshi maydonga tushdi. Ushbu uchrashuvda "olimpiyachilar" raqibiga 1:2 hisobida imkoniyatni boy berdi.

Hamyurtlarimizning yagona golini Azamat Abdurashidov kiritdi. 

Ma’lumot o‘rnida, "Sherif" klubi Moldovaning amaldagi chempioni sanaladi. Shuningdek, bu jamoa safida Jasur Yaxshiboev ham to‘p tepgan.

"Olimpik": 13.Hamidullo Abdunabiev, 2.Saidazamat Mirsaidov, 4.Odilbek Abdumajidov, 44.Shahzod Toirov, 6.Behzod Shamsiev, 23.Abdurauf Bo‘riev, 30.Jasurbek Jaloliddinov, 21.Muhammadaziz Ibrohimov, 11.Otabek Jo‘raqo‘ziev, 7.Ruslanbek Jiyanov, 37.Alisher Odilov.

2-bo‘limda tushganlar: 1.Shukron Yuldashev, 18.Sardorbek Mahmudov, 92.Asadbek Rahimjonov, 5.Iskandar Bo‘sinov, 28.Ahmadillo Muqimjonov, 20.Mustafo Abdumannopov, 10.Farruhbek Muxtorov, 47.Nodirbek Abdiholiqov, 99.Muhammadali G‘iyosov, 9.Timur Mamasiddiqov, 25.Rustam Azimov.

Zaxiradan tushganlar: 17.Azamat Abdurashidov, 8.Abdulloh Mirkomilov, 19.Shohjahon Umarov, 22.Laziz Ashurov.