Оливье Жиру: "Ўйлайманки, бу менинг футболчи сифатидаги сўнгги мавсуми"

"Лилль" клуби ҳужумчиси, 39 ёшли Оливье Жиру келаси ёзда футболчилик фаолиятини якунлаши мумкинлигини маълум қилди. Унинг француз жамоаси билан тузган шартномаси шу мавсум охирида тугайди.

"Ўйлайманки, бу менинг футболчи сифатидаги сўнгги мавсуми. Шунинг учун ҳар дақиқадан завқ олишга ҳаракат қиляпман" — дея таъкидлаган Жиру L`Equipe нашрига берган интервьюсида.

Тажрибали форвард профессионал фаолияти давомида "Гренобль", "Истра", "Тур", "Монпелье", "Арсенал", "Челси", "Милан" ва "Лос-Анджелес" клублари шарафини ҳимоя қилган. Оливье Жиру 

Франция терма жамоаси тарихида 57 та гол билан энг кўп гол урган футболчилар орасида иккинчи ўринни эгаллаб турибди.