Олти юлдуз Холанддан кўп маош олади, лекин бирортаси Европада эмас!

Куни кеча Эрлинг Холанд “Манчестер Сити” билан тўққиз ярим йиллик янги шартномага имзо чеккани ҳақида расмий маълумот тарқатилди.

Норвегиялик тўпурар янги жамоасида ҳафтасига 500 минг фунтдан маош оладиган бўлди.

Британия матбуотининг ёзишича, айни пайтда жаҳон футболида Холанддан кўп маош олаётган олти нафар ўйинчи бор.

Улар билан танишинг:

Риёд Маҳрез (ҳафтасига 580 минг фунт), Садио Мане (ҳафтасига 650 минг фунт), Лионель Месси (ҳафтасига 865 минг фунт), Карим Бензема (ҳафтасига 1,6 миллион фунт), Неймар (ҳафтасига 2,65 миллион фунт) ва Криштиану Роналду (ҳафтасига 3,2 миллион фунт).

Эътиборли жиҳати, бу олти нафар футболчи гарчи Европа футболида ном қозонган бўлса-да, айни пайтда Осиё ва АҚШ лигаларида тўп тепмоқда.