“Олтин тўп”: Эски ғолиблардан ҳеч ким қолмади

Франциянинг France Football нашри футболчилар учун энг нуқузли индивидуал соврин – “Олтин тўп” учун даъвогарлар рўйхатини эълон қилди.

Номинантлар рўйхатидан ўттиз нафар ўйинчи жой олди. Қизиғи шундаки, бу гал совринга даъвогарлар орасида аввалги йилларда “Олтин тўп”ни қўлга киритган бирорта футболчи номи кўринмади.

Эслатиб ўтамиз, ўтган йили “Олтин тўп”ни “Манчестер Сити” ярим ҳимоячиси Родри Эрнандес қўлга киритган эди. Ундан бир йил аввал Лионель Месси ўз фаолияти давомидаги саккизинчи “Олтин тўп”га эга чиққан. “Реал”да порлаган Карим Бензема 2022 йили нуфузли ютуқни ўзиники қилган эди.

“Олтин тўп – 2025” совринининг тақдимот маросими 22 сентябрь куни Париж шаҳрида ташкил этилади.